Nokia 8 stiže do kraja mjeseca po cijeni od 600 eura

Nakon Nokije 5 i 6 još uvijek nisu našle put do naših prodavnica, uskoro bismo mogli ugledati top model pod imenom Nokia 8

Kružile su glasine i o modelu Nokia 9, ali ako je vjerovati inače pouzdanom njemačkom izboru WinFuture, za sada ćemo vidjeti samo osmicu. Ovaj model nosi kodnu oznaku TA-1004 i kako se čini, biće predstavljen do kraja ovog mjeseca, dakle za neke dvije nedjelje. Za pogon će koristiti Qualcomm-ov Snapdragon 835 u kombinaciji sa 4 GB RAM-a i 64 GB interne memorije. Ekran bi trebao da stigne u QHD rezoluciji, sa dijagonalom 5,3 ili 5,5 inča, a na poleđini bi se trebala naći dvostruka kamera.

Cijena ovog modela će na EU tržištu iznositi oko 600 eura, a biće dostupna u četiri boje kućišta.