Pariz zapošljava orlove, plata 2500 eura

Pariz planira da „zaposli“ ptice grabljivice kako bi uplašile jata golubova

Kako prenose mediji, svaka ptica „primaće“ oko 2. 500 eura.

Golubovi, prema zvaničnim podacima, nanose štetu od oko 150.000 eura godišnje stanarskim blokovima.

Cijela ova operacija trebalo bi da košta oko 12.800 eura.

Tri orla mišara i dva sokola preuzeće dužnost u oktobru. Letjeće iznad mjesta gdje su se golubovi naselili i tjerati ih da se pobjegnu negdje drugdje.

Odluka o zapošljavanju ptica grabljivica došla je nakon brojnih žalbi građana da su im uništeni balkoni i prozori, a plaše se i zbog bolesti koje prenose golubovi.

„Pokušali smo sve tradicionalne metode, sada radimo nešto radikalno“, rekao je portparol gradske skupštine .

Prema tvrdnjama firme koja ih iznajmljuje, ptice imaju „nekoliko godina iskustva“ u hvatanju neželjenih stvorenja.