Trgovina državljanstvom je industrija teška 25 mlrd. $, evo koliko koštaju svjetski pasoši

  • In Living
  • 12. October 2019.
  • 72 Views
Trgovina državljanstvom je industrija teška 25 mlrd. $, evo koliko koštaju svjetski pasoši

Osim što se dobija rođenjem i što se može izgubiti, danas se državljanstvo može i zaraditi te kupiti, a da je riječ o sve, kako piše BBC, nejasnijem konceptu jasno pokazuje činjenica da je trgovina državljanstvom danas globalna industrija vrijedna 25 milijardi dolara, odnosno 22,8 milijardi eura.

”Tradicionalna ideja o državljanstvu je zaostala. To je jedna od rijetkih stvari na svijetu koju i dalje vežemo uz krvno srodstvo ili mjesto rođenja”, smatra Kristijan Kalin, švajcarski advokat i član uprave Henley&Partnersa, jednog od najvećih svjetskih aktera na tom brzorastućem tržištu. Oni zapravo pomažu bogatim pojedincima i njihovim porodicama da dobiju boravište ili državljanstvo u drugim zemljama.

”Sistem nije pošten jer ono gdje smo rođeni ko nas je rodio nema veze s našim sposobnostima ili talentima nego čistom srećom. Zašto ne bi državljanstvo tretirali kao članstvo? Zašto bi bilo pogrešno primiti talentovand ljude koji će doprinijeti zemlji?”, dodao je Kalin kojem je, kako piše Jutarnji list, već dat nadimak “Gospodin pasoša”.

Jedno od najvećih svjetskih tržišta državljanstva je Hong Kong, što ne čudi kada se u obzir uzme broj kineskih stanovnika.

Sve više ima ih dvije, a neki čak i po tri pasoša jer, kako je za BBC objasnio MJ, trgovac državljanstva u toj zemlji, “ne osjećaju se sigurnima u Kini i žele pristup Evropi i tamo otvoriti bankovni račun, kupiti nekretninu ili osnovati firmu.

Zapravo, veliki dio Azije, Rusije i Bliskog istoka priželjkuje državljanstvo neke od evropskih zemalja kako bi se mogli slobodno kretati i poslovati u svim državama članicama Evropske unije.

Cijene državljanstava
Stoga ne iznenađuje što je državljanstvo postalo kompetitivno svjetsko tržište, a za mnoge male ili ostrvske države, poput onih u Karibima, cijena njihove pasoše iznosi otprilike 150.000 dolara.

Crna Gora svoje državljanstvo naplaćuje 350.000 dolara, 250.000 eura potrebno je investirati u razvojni program zemlje, dok prijavnica za državljanstvo košta dodatnih 100.000 eura.

Onaj ko želi portugalsko, špansko ili mađarsko državljanstvo, mora da kupi nekretninu ili državne obveznice, a to će ga stajati 350.000 eura u Portugalu, odnosno oko 500.000 eura u Španiji.

Oko 500.000 eura potrebno je potrošiti i za bugarsko državljanstvo, dok malteško košta gotovo milion eura.

Samo državljanstvo na Malti zapravo stoji 650.000 eura, ali je potrebno imati i nekretninu vrijednu najmanje 350.000 eura i to punih pet godina.

Ako je riječ o porodici, državljanstvo za supruga/u košta dodatnih 25.000 eura, a za nevjenčanu djecu od 18 do 25 godina i roditelje koji zavise od osobe koja se prijavljuje za malteško državljanstvo treba da plati još 50.000 eura po osobi, precizira Jutarnji.

Kipar, s druge strane, kontinuirano mijenja cijene svog državljanstva. Samu prodaju pasoša ta zemlja je uvela 2012. kada je bila na ivici bankrota pa je državljanstvo po ubrzanom postupku dijelila za direktnu investiciju od deset miliona eura.

Godinu dana kasnije ta ostrvska država se našla u velikom korupcijskom skandalu te su joj banke uzele strani (pretežno ruski) novac.

Budući da je to za Kipar značilo još dublje finansijske probleme, vlada je spustila cijenu kiparskog pasoša  na tri miliona eura vrijedno direktno ulaganje.

Kasnije je cijena dodatno pala pa je danas potrebno uložiti dva miliona eura te na kiparskoj teritoriji posjedovati nekretninu od barem 500.000 eura.

SAD svoje državljanstvo, kako navodi BBC, prodaje za poslovnu investiciju između 500.000 i milion dolara, odnosno 455.000 i 910.000 eura, te za stvaranje barem deset radnih mjesta, prenosi Jutarnji.

Radna mjesta su uslov i za austrijski pasoš. Preciznije, potrebna je “značajna direktna investicija” u kompaniju koja zapošljava ili joj kontinuirano raste izvoz, a uz ulaganje obavezni je i “izuzetni doprinos zemlji” poput razvoja novih tehnologija ili stvaranje velikog broja radnih mjesta.

Preporučujemo vam i sljedeće: