Brenson i Gejts ulažu u novu tehnologiju proizvodnje mesa bez ubijanja životinja

Kargil, jedna od najvećih svjetskih agro – kompanija se pridružila Bilu Gejtsu i ostalim poslovnim gigantima kako bi investirali u posebnu tehnologiju

Riječ je o tehnologiji koja će stvarati meso iz samoodrživih životinjskih ćelija zbog rastuće potražnje za proteinima koji nisu zavisni od vode, zemlje ili hrane.

Memfis Mits, kompanija koja proizvodi goveđe, pileće i pačje meso samo iz životinjskih ćelija bez uzgoja i klanja stoke i živine, prikupila je 17 miliona dolara zahvaljujući investitorima među kojima su Kargil, Gejts i milijarder Ričars Brenson.

Brenson je izjavio kako vjeruje da će u narednih 30 godina prestati ubijanje životinja zbog proizvodnje mesa, a meso će biti jednakog ukusa i znatno zdravije.

Ovaj potez odgovor je na potrebe potrošača, pogotovo pripadnika nove generacije, koji sve više potražuju organske proizvode, kao i održivo proizvedenu hranu. Meso proizvedeno na taj način postalo je najveća alternativa tradicionalnim mesnim proizvodima.

Ovo je samo jedna od mnogih investicija od strane tradicionalnih kompanija proizvođača mesa. Tajson Fuds, najveći proizvođač mesa iz SAD, stvorio je fond rizičnog kapitala fokusiran na ulaganja u kompanije koje proizvode održivu hranu, a prošle godine najavili su investiranje u kompaniju Bijond Mit (Beyond Meat), čiji je jedan od donatora i Bil Gejts.