Bentley lansira elegantnu verziju Flying Spur modela

Bentley 2020 Flying Spur model dolazi sa dodatnim opcijama, koje su namijenjene svim kupcima koji žele da zamijene originalnu nametljivost detalja ovog automobila, nečim daleko mirnijim.

Nova Blackline specifikacija uklanja sve svjetlucave i jarke detalje eksterijera, dodajući mu tamne akcente umjesto njih. Detalji koji su dio ove promjene uključuju lopatice hladnjaka i rešetke, okolinu prozora, ručke i donja sječiva, zadnje branike, prednje i zadnje baze farova, krila, izduvnu granu i ikoničnu Flying B maskotu.

Novi Bentley Flying Spur Blackline Specification model dolazi sa točkovima od 21 inča kao standard, uz opciju odabira točkova od 22 inča. Opcije boja eksterijera sadrže 17 standarnih nijansi, uz 13 dodatnih.

Enterijer modela je uglavnom ručno kreiran i dolazi u 15 različitih boja, sa rotirajučim displejem, ekranom osetljivim na dodir od 12.3 inča koji je dio informativno-zabavnog sistema. Bentley se nada da će ovim modelom postići isti uspjeh, kakav je već doživio sa Blackline Specifications verzijom Continental GT modela.

Što se performansi tiče, Bentley Flying Spur Blackline Specification će dobiti twin-turbo 6.0 litarski W12 motor koji izbacuje 626 konjskih snaga i 900 Nm obrtnog momenta, uz osmostepeni automatski prenos brzina. Flying Spur će samim tim biti sposoban da razvije brzinu od 100 kilometara na čas za samo 3.7 sekundi, sa maksimalnom brzinom od 333 kilometra na čas.

Blackline Specification opcija dolazi sa cijenom od 3.550 € u Evropi, bez poreza.