Kina dijeli građanima Šenžena novu digitalnu valutu

Valuta

To je učinila putem „crvenih koverti”, načina na koji tamošnje tech kompanije daruju svoje korisnike u digitalnom okruženju, poput WeChata i Alibabe, piše Tech crunch.

Iako digitalna, u pitanju nije kripto valuta, s obzirom na to da nju izdaje i njome upravlja centralna banka. Digitalni juan će služiti kao zakonska, digitalna verzija kineske fizičke valute, pružajući Pekingu bolji uvid u promet valuta. Nije ideja da ova valuta zamijeni aplikacije za plaćanje poput WeChat Pay i Alipay, koje već funkcionišu u Kini, već da postoji uz njih.

Na primjer, centralna vlada može u budućnosti izdavati subvencije lokalnim kancelarijama slanjem digitalnih juana, što može pomoći u rješavanju problema poput korupcije.

Šenžen je jedan od četiri kineska grada koji su započeli interno testiranje digitalnog juana, rekle su tamošnje vlasti, ne navodeći detalje. Ova najnovija akcija se smatra prvim velikim javnim testom centralno izdate virtuelne valute u zemlji.

Gotovo dva miliona pojedinaca u Šenženu prijavilo se za lutriju, kako bi osvojilo „crvenu kovertu” s 200 digitalnih juana, koje može da potroši u više od 3.000 maloprodajnih mjesta u gradu, prenosi Startit.rs.

Šenžen će pokrenuti i „fintech inovacionu platformu“ putem svog zvaničnog instituta za digitalnu valutu, što je u skladu s petogodišnjim planom razvoja grada, koje uklučuje privlačenje većeg broja stranih investicija u najsavremenije tehnologije. Grad će takođe igrati ključnu ulogu u unapređivanju istraživanja, razvoja, primene i međunarodne saradnje digitalnog juana.